احلم

احلم يا شباب مصر...
احلم .. ولا نسيت ازاي بيكون الحلم
الحلم أصبح رفهية..و إنت مش بتاع رفهية
معندكش خلاص وقت تحلم.. منتش فاضي .. بتعافر فالحياة
بتعافر عشان تعيش... عيشة البني آدم ..
أي بني آدم.. بسيط كان أو أقل من البسيط
المهم إنه  بني آدم.. قادر يعيش..
قادر لو عيي يتعالج.. و قادر يتعلم عشان يفهم
و قادر يشتغل عشان يقتات

بس تحلم ليه... هو إنت إيه حلمت بيه و اتحقق..
بلد ناسية انك بني آدم... بلد ناسية انك انسان...
بلد نسياك أصلاً..

حقولك تحلم.. و تصحى تتخض من الواقع..
تحلم .. و تصحى على كابوس عايش

بس أرجع و أقولك .. ما إنت لازم تحلم..
جايز الحلم يتحقق..
أكيد هتفكر في طريقة ..تخلى الحلم يتحقق

احلم... اهو عيش لك لحظة في خيالك..
جايز تقدر تنسيك احوالك